HAFATRA HO AN’NY OLON’I KRISTY REHETRA

A-1.Tsy misy mahavita tena @ fitoriana ny filazan-tsara ka tokony hampiraisina ny fanomezam-pahasoavana:
« Fa tahaka ny tena iray ihany, anefa maro no momba ny tena, ary ireo rehetra momba ny tena ireo, na dia maro aza, dia tena iray ihany, dia tahaka izany koa Kristy. » (1 Korintiana 12:12)

A-2.Tokony havelan’ny mpitarika hitsiry ny fanomezam-pahasoavan’ny tsirairay :
« Fa ny anankiray nomen'ny Fanahy teny fahendrena, ary ny anankiray teny fahalalana, araka izany Fanahy izany ihany, ary ny anankiray finoana, amin'izany Fanahy izany ihany, ary ny anankiray fanomezam-pahasoavana ho enti-mahasitrana, amin'izany Fanahy iray izany ihany, ary ny anankiray ny manao fahagagana*, ary ny anankiray ny maminany, ary ny anankiray ny mahafantatra fanahy samy hafa, ary ny anankiray ny miteny amin'ny fiteny samy hafa tsy fantatra, ary ny anankiray ny mandika fiteny tsy fantatra. [* Gr. hery] Ireo rehetra ireo dia asan'ny Fanahy iray ihany, zarazarainy ho azy rehetra avy araka ny sitrapony. »
(1 Korintiana 12:8-11)

B-1.Fenoin’ny Mpanompon’Andriamanitra ny fotoanany ka tsy misy ny fotoana tena tian’ny Tompo hataony:
« Nahoana no tsy nisy olona, fony tonga Aho, ary tsy nisy namaly, fony niantso Aho? Moa fohy tokoa va ny tanako ka tsy mahavonjy, ary moa tsy manan-kery ho enti-manafaka va Aho? … » (Isaia 50:2a)

B-2.Nefa Andriamanitra mitady olona hihaino Azy mba ho ampiasainy @ Fombany:
« Mihainoa Ahy, ry vahoakako, ary atongilano amiko ny sofinareo, ry oloko; fa hisy lalàna hivoaka avy amiko, ary ny fitsipiko dia hampitoeriko ho fanazavana ny firenena. » (Isaia 51:4)

B-3.Satria te-hitondra vahaolana ho an’ny Nosy Izy:
« Akaiky ny fahamarinako, efa nivoaka ny famonjeko, ary ny sandriko no hitsara ny firenena; izaho no hantenain'ny nosy, ary ny sandriko no andrasany. » (Isaia 51:5)

D-1.Mitady hanjaka ny fitiavam-bola:
« Aoka tsy ho amin'ny fitiavam-bola ny toe-tsainareo, fa mianina amin'izay anananareo; fa hoy Izy: "Izaho tsy handao anao mihitsy na hahafoy anao akory" (Jos. 1.5). » (Hebreo 13:5)

D-2.Ka tsy misy ny fifampitsinjovana fa manjaka ny fanamarinan-tena diso tafahoatra:
« Anaro ny mpanankarena amin'izao fiainana ankehitriny izao mba tsy hiavonavona, na hatoky ny harena miovaova, fa Andriamanitra, Izay manome antsika malalaka ny zavatra rehetra mba hifaliantsika, mba hanao soa, mba hanan-karena amin'ny asa tsara, hazoto manome sy miantra,ka dia hihary fanorenana tsara ho an'ny tenany ho amin'ny andro ho avy, mba hihazonany ny tena fiainana. » (1 Timoty 6:17-19)

E-1.Miantso ny Tompo mba hibebahana haingana izany fahalemena rehetra izany:
« Ary Andriamanitra ninia tsy nijery ny andron'ny tsi-fahalalana; fa ankehitriny Izy mandidy ny olona rehetra amin'izao tontolo izao hibebaka, » (Asan'ny Apostoly 17:30)

E-2.Fa raha tsy izany dia hisy ny famaizana mafy:
« Ary vetivety foana dia hampidiniko aminao ny fahatezerako, Ary hotanterahiko aminao ny fahavinirako; ka hotsaraiko araka ny alehanao ianao, ary hatambesatro aminao ny fahavetavetanao. Ary tsy hiantra anao ny masoko, sady tsy hamindra fo Aho; Hatambesatro aminao ny lalanao, ary ny fahavetavetanao dia ho eo aminao, ka dia ho fantatrareo fa Izaho Jehovah no mamely. » (Ezekiela 7:8-9)

E-3.Efa tonga ny fararano ka te-hanavaka ny vary sy ny tsiparifary ny Tompo:
« ... Angony aloha ny tsimparifary, ka ataovy amboarany mba hodorana; .... » (Matio 13:30b)

Hitohy,…
Nanangona Ratrema Xavier Antananarivo,faha 9 Martsa 2012

AFAKA ATERAK’ANDRIAMANITRA HO LASA OLOM-BAOVAO HITONDRA FANOVANA IANAO OLONY

1) HATERAKA INDRAY HO LASA ISAKA AO @ KRISTY:
Efa antitra i Saraha reniny vao niteraka an’i Isaka:
« Ary Jehovah namangy an'i Saraha araka ilay efa nolazainy, ary dia nataon'i Jehovah tamin'i Saraha araka ilay efa noteneniny. Dia nanan'anaka Saraha ka niteraka zazalahy tamin'i Abrahama, rehefa antitra izy, tamin'ny fotoana izay efa nolazain'Andriamanitra taminy. » (Genesisy 21:1-2)

Tso-drano mahery sady nahomby avy hatrany no azon’i Jakoba na dia namitaka ny rainy aza izy:
« Dia nanatona izy ka nanoroka azy; ary Isaka nandre ny fofon'ny fitafiany, dia nitso-drano azy ka nanao hoe: E! ny fofon'ny zanako. Dia tahaka ny fofon'ny saha izay notahin'i Jehovah. Ary hanomezan'Andriamanitra anao anie ny andon'ny lanitra sy ny tsiron'ny tany, ary vary sy ranom-boaloboka betsaka. Hanompo anao anie ny firenena maro, Ary hiankohoka eo anatrehanao ny firenena samy hafa. Ho tompon'ny rahalahinao anie ianao, ary aoka hiankohoka eo anatrehanao ny zanaky ny reninao. Ho voaozona anie izay rehetra manozona anao, ary hohasoavina anie izay manisy soa anao. »(Genesisy 27:27-29)

2) HATERAKA INDRAY HO LASA SAMSONA AO @ KRISTY:
Reny momba no niteraka an’i Samsona:
« Ary nisy lehilahy avy tany Zora amin'ny fokon'ny Danita, Manoa no anarany; ary momba ny vadiny ka tsy niteraka. Ary Ilay Anjelin'i Jehovah niseho tamin-dravehivavy ka nanao taminy hoe: Indro, momba ianao ka tsy niteraka; nefa hanan'anaka ianao ka hiteraka zazalahy. » (Mpitsara 13:2-3)

Samsona anefa dia tena natanjaka:
« Dia nilatsaka tamin'i Samsona ny Fanahin'i Jehovah, ary ilay liona tanora dia nosamatsamahiny hoatra ny fanasamaka zanak'osy, nefa tsy nisy na inona na inona teny an-tànany; ary tsy nambarany tamin'ny rainy na tamin'ny reniny izay efa nataony. » (Mpitsara 14:6)

3) HATERAKA INDRAY HO LASA SAMOELA AO @ KRISTY:
Hana reniny dia momba nefa dia niteraka azy:
« Fa Hana kosa nomeny anjaran-droa, satria izy no tiany, nefa nataon'i Jehovah momba. » (1 Samoela 1:5)
« Ary tamin'ny fahatanterahan'ny andro dia nanan'anaka Hana ka nitera-dahy, ary ny anarany nataony hoe Samoela*, fa hoy izy: Tamin'i Jehovah no nangatahako azy.[Samoela = Nohenoin'Andriamanitra ] » (1 Samoela 1:20)

Ny Hosotra izay nataon’i Samoela dia tena nanan-kery:
« Ary Samoela nandray ny tandroka feno diloilo ka nanosotra azy teo amin'ny rahalahiny; ary ny Fanahin'i Jehovah dia nilatsaka tamin'i Davida hatramin'iny andro iny. ... » (1 Samoela 16:13)

4) HATERAKA INDRAY HO LASA JAONA MPANAO BATISA AO @ KRISTY:
Efa antitra sady momba Elizabeta izay renin’i Jaona Mpanao batisa:
« Ary tsy nanan-janaka izy, fa momba Elizabeta; ary samy efa antitra izy mivady. »(Lioka 1:7)
« Fa hoy ilay anjely taminy: Aza matahotra, ry Zakaria; fa efa nohenoina ny fangatahanao, ka Elizabeta vadinao dia hiteraka zazalahy aminao, ary Jaona no hataonao anarany. » (Lioka 1:13)

Jaona anefa dia mpitory teny tena naharesilahatra ny maro ka nahatonga azy ireo nibebaka:
« Ary tamin'izany andro izany dia niseho Jaona Mpanao batisa, nitory tany an-efitr'i Jodia nanao hoe: Mibebaha ianareo; fa efa akaiky ny fanjakan'ny lanitra. » (Matio 3:1-2)
« Ary Jerosalema sy Jodia rehetra mbamin'ny tany rehetra amoron'i i Jordana dia nivoaka nankany amin'i Jaona,ka nataony batisa tao amin'ny ony Jordana ireny, rehefa niaiky ny fahotany. » (Matio 3:5-6)

5) HATERAKA INDRAY HO LASA “COMMANDO” AO @ KRISTY:
Maria renin’i Jesosy dia nitoe-jaza nefa mbola tsy nivady t@ Jozefa izy:
« Ary, indro, hitoe-jaza ianao ka hiteraka zazalahy, ary ny anarany dia hataonao hoe Jesosy.Izy ho lehibe ka hatao hoe Zanaky ny Avo Indrindra; ary Jehovah Andriamanitra hanome Azy ny seza fiandrianan'i Davida rainy; ary hanjaka amin'ny taranak'i Jakoba mandrakizay Izy; ary ny fanjakany tsy hanam-pahataperana.Ary hoy Maria tamin'ilay anjely: Hanao ahoana re no hahatanteraka izany, fa tsy mahalala lahy aho? Ary ilay anjely namaly ka nanao taminy hoe: Ny Fanahy Masina ho tonga ao aminao, ary hisy herin'ny Avo Indrindra hanaloka anao; koa ny Masina Izay hateraka dia hatao hoe Zanak'Andriamanitra.» (Lioka 1:31-35)

Hitohy,…

VONONA NY HANAO IZAY HAHASAMBATRA NY MALAGASY KRISTY

Efa natao ho sambatra foana ny Malagasy:
Ao amin’ny hiram-pirenena dia @ fotoana ankehitriny ny hoe:

“HE! SAMBATRA TOKOA IZAHAY!!!”

Misy ireo tonon-kiram-panahy izay efa nanambarana fa ao @ Kristy no misy ny fahasambarana:
Hira 471 (and 1 ) Fihirana FFPM
He, SAMBATRA aho, Jeso,raha miaraka Aminao,
Fa ny làlanao dia lavi-pahoriana ;
Ny ali-mampahory,ny raho-mitatao,
Eo anilanao dia mody fitahiana.
Tano aho, Jeso, hiaraka aminao,
Izay làlana ombako, e ! mba hazavao.
Hira fanampiny 26 (famerenana):
SAMBATRA aho Jeso ô !Manana Anao ‘zay Tompon’ny hery
SAMBATRA aho Jeso ô !Miankina eo an-tratranao,
Ampy ahy ny fitiavanao,Ampy ahy ny finoako Anao
Raketiko ao am-po lalandava,Fa reharehako Ianao.

Mahafantatra Kristy fa Izy no andrasan’nymponin’ny Nosy Madagasikara:
« Fa Izaho no andrasan'ny nosy, .... Satria efa nanome voninahitra anao Izy. » (Isaia 60:9)

Vonona hamonjy ny Malagasy izay mahazo tso-drano eo noho eo Kristy:
Raha misy mandray ny tso-drano hoe: « Hitahy anao anie Jehovah ka hiaro anao; » (Nomery 6:24)
->Kristy tonga dia hiaro tahaka ny niarovany an’ilay vehivavy janga
« … Izay tsy nanota eo aminareo no aoka hitora-bato azy voalohany » (Jaona 8:7b)
Tso-drano:« Hampamirapiratra ny tavany aminao anie Jehovah ka hamindra fo aminao; » (Nomery 6:25)
->Kristy tonga dia ho avy amirapiratra eo anoloany tahaka t@ Saoly izay niova ho Paoly
« … nisy mazava lehibe nanelatrelatra tampoka avy tany an-danitra manodidina ahy; … Ary izaho namaly hoe: Iza moa Hianao, Tompoko? Dia hoy Izy tamiko: Izaho no Jesosy avy any Nazareta, ... » (Asa.: 22:6-8)
Tso-drano: « Hanandratra ny tavany aminao anie Jehovah ka hanome anao fiadanana. » (Nomery 6:26)
->Kristy tonga dia hanome fiainam-piadanana tahaka ny Azy:
« Fiadanana no avelako ho anareo, ny fiadanako no omeko anareo; tsy tahaka ny fanomen'izao tontolo izao no fanomeko anareo. Aza malahelo na matahotra ny fonareo. » (Jaona 14:27)

Efa voasoatra fa mponina voahosotra hitondra ny hira fiderana maneran-tany ny Malagasy:
« ... ianareo nosy (Madagasikara) sy ny mponina ao aminy, samia mihira fihiram-baovao ho an'i Jehovah, dia ny fiderana Azy hatramin'ny faran'ny tany. » (Isaia 42:10)

Tena manaiky izany fanendrena masina izany ny Malagasy:
Hira 427(andininy faha-2) Fihirana FFPM:
Ho vavolombelonao,Eran-tany raha ilaina,
Toy ny loharano vao,Izay mamelombelona aina
Hanasoa ny tany hay,Efa mihamaina taho( mihamaina ),
Tompo ô, inty indray,Alefaso, vonona Aho.
Hira 33(andininy faha-3) Fihirana fanampiny
Inty aho Jesoa,miantso ahy Hianao,
Mba ho fahazavan’izao tontolo izao
Hianao no nifidy ahy ho fanasina,
Hanefa ny adidy lehibe sy masina
Koa hamasino Tompo,Fa vonona aho hanompo,
hombay ny herinao,Hitondra aim-baovao
Ho mendrika tokoa,Ny antsonao Jesoa.

KRISTY EFA VONONA, ARY IANAO VE VONONA HO AMPIASAINY IZAO DIA IZAO!!!!

Mba ho tanteraka haingana dia haingana ilay tonon-kiram-panahy ao @ Fihirana FFPM 734 manao hoe:

“DIA HO TANY SAMBATRA ILAY MADAGASIKARANAY!!!!!”

IREO POROFO FA MENDRIKA NY HO JEROSALEMA VAOVAO I MADAGASIKARA

Ny Nosy no toerana tena voahosotra hiderana an’Andriamanitra:
« Hianareo izay midina any amin'ny ranomasina sy ny ao aminy rehetra, dia ianareo nosy sy ny mponina ao aminy, samia mihira fihiram-baovao ho an'i Jehovah, dia ny fiderana Azy hatramin'ny faran'ny tany. » (Isaia 42:10)

Tsy any Jerosalema fa toerana hafa no hisy ny Jerosalema vaovao:
« ...; ary any amin'ny tany izay nilazana taminy hoe: Tsy oloko ianareo, dia any no hanaovana aminy hoe: Zanak'Andriamanitra velona ianareo. » (Hosea 2:1b)

Maro ireo tany malalaka mbola tsy misy monina eto amitsika :
« Koa, indro, Izaho dia hitaona azy ka hitondra azy ho any an-efitra ary hanao teny malefaka hahafinaritra azy. Ary hatrany dia homeko azy ny tanim-boalobony sy ny lohasaha Akora ho varavaram-panantenana; Ary any no hamaliany toy ny tamin'ny andro fahatanorany, dia toy ny tamin'ny andro niakarany avy tany amin'ny tany Egypta.»(Hosea 2:16-17)

Tany azo averina tahaka ny saha Edena:
« Fa holazainy hoe: Ity tany efa lao ity dia tonga tahaka ny saha Edena; ary ny tanàna efa foana sy lao dia misy mponina sady asiana manda; » (Ezekiela 36:35)

Iray Reny ny mponina rehetra ( afaka ny ho taranak’i Abrahama avokoa):
« Mivahinia eto amin'ity tany ity ianao, dia homba anao sy hitahy anao Aho; fa ianao sy ny taranakao no homeko ireto tany rehetra ireto, ka hotoviko ny fianianana izay nataoko tamin'i Abrahama rainao; » (Genesisy 26:3)
( atao hoe Firenena dia iray Reny avokoa ny mponina rehetra ao)

Ranavalona II no Mpanjaka nahatanteraka ny fianianana nataon’i Solomona t@ nanangana ny fiangonana tao anaty Rovan'i Manjakamiadana :
« Efa nanao trano hitoeranao tokoa aho, dia fitoerana hitoeranao mandrakizay. » (1 Mpanjaka 8:13)

Ao @ Jerosalema vaovao dia misy tendrombohitra misy rova sy fiangonana:
« Ary izao no ho tonga any am-parany: Ny tendrombohitra misy ny tranon'i Jehovah dia haorina eo an-tampon'ny tendrombohitra Ary hasandratra ho avo noho ny havoana; Ary ny jentilisa rehetra hitanjozotra hankany. » (Isaia 2:2)
« ....; Ary izy hanao amin'i Jerosalema hoe: Hatsangana ianao, ary amin'ny tempoly hoe: Haorina indray ny fanorenanao. » (Isaia 44:28)
« Avo mahafinaritra, fifalian'ny tany rehetra, ny tendrombohitra Ziona, eo amin'ny ilany avaratra, tanànan'ny Mpanjaka lehibe.Andriamanitra ao an-tranon'andriana ao dia nanao izay hahafantarana Azy ho fiarovana avo. » (Salamo 48:2-3)

Faminaniana efa nisy hatry ny ela izany(santionany):
Hira 545 (andininy faha 2) Fihirana FFPM
Ny Tanindrazanay malala,Ry Jeso Tompo, anjakao,Hiorina eto, tsy hiala,Ny fiadanana entinao !
Ny aizin’ota anie hisava,Ny fahantrana koa handao,Fa ho tarafin’ny Mazava,Hanjary tany vaovao.
Hira 39 (andininy voalohany) Fihirana FFPM
Faingàna, ry Mpanjaka !Handray ny lovanao ;Faingàna re mba haka,Ny tany ho Anao ;
Avia hampifaly ,Ny malahelo fo ;Afaho ny mijaly, Sy azon’ny manjo.

Dia hamaly Andriamanitra:
« Fa Izaho no andrasan'ny nosy, ..., Satria efa nanome voninahitra anao Izy. » (Isaia 60:9)

MANAIKY IZANY VE IANAO ?
RAISO ARY NY ANDRAIKITRAO DIA ATAOVY HOE “TSY MAITSY AZONAY NY ZONAY”

« Ary izao no fahasahiana ananantsika eo anatrehany: Raha mangataka zavatra araka ny sitrapony isika, dia mihaino antsika Izy; ary raha fantatsika fa mihaino antsika Izy, na inona na inona no angatahintsika, dia fantatsika fa azontsika izay angatahintsika aminy. » (1 Jaona 5:14-15)

Tahionao ry Zanahary, Ity Nosindrazanay ity ,Hiadana sy ho finaritra,He! Sambatra tokoa izahay!

Nanagona Ratrema Xavier
Antananarivo,faha 16/10/2011 Hitohy,…

SATRIA MINO IANAO DIA HANDRY FEHIZAY NY TANANANAO !

Ny finoana dia fiainana sahady an’ilay zavatra na dia mbola tsy misy aza:
« Ary ny finoana no fahatokiana ny amin'ny zavatra antenaina, fanehoana ny zavatra tsy hita. » (Hebreo 11:1)

Izay angatahinao @ anaran’i Jesosy Kristy am-pinoana ka hahasoa anao na ny hafa dia ho tanteraka:
« Ary na inona na inona no angatahinareo amin'ny fivavahana atao amin'ny finoana dia ho azonareo. » (Matio 21:22)

Tsy tokony hiahanahana amin’izay finoana anananao ianao:
« Nefa aoka hangataka amin'ny finoana izy ka tsy hiahanahana akory; fa izay miahanahana dia toy ny alon-dranomasina entin'ny rivotra ka atopatopany. » (Jakoba 1:6)

Izany hoe tokony hanana fahasahiana mangataka sady efa mino ny fahatanterahany avy hatrany:
« Ary izao no fahasahiana ananantsika eo anatrehany: Raha mangataka zavatra araka ny sitrapony isika, dia mihaino antsika Izy; ary raha fantatsika fa mihaino antsika Izy, na inona na inona no angatahintsika, dia fantatsika fa azontsika izay angatahintsika aminy. » (1 Jaona 5:14-15)

Na mety “impossible” amin’ny fijery maha-olombelona aza dia afaka ataon’Andriamanitra raha tena mino ianao :
« Ary Jesosy namaly ka nanao taminy hoe: Lazaiko aminareo marina tokoa: Raha manam-pinoana ianareo ka tsy miahanahana, dia tsy izao natao tamin'ny aviavy izao ihany no ho vitanareo, fa raha hiteny amin'ity tendrombohitra ity aza ianareo ka hanao hoe: Mifindrà ianao, ka mianjerà any an-dranomasina, dia ho tonga izany. » (Matio 21:21)

Tsy voatery fatra betsaka ao anatinao ny finoana nefa hitokisanao dia hahomby avy hatrany:
« Fa hoy ny Tompo: Raha manana finoana na dia hoatra ny voan-tsinapy iray aza ianareo, dia azonareo lazaina amin'io vorihazo io hoe: Miongota, ary aoka hambolena ao anatin'ny ranomasina, dia hanaiky anareo izy. » (Lioka 17:6)

Aleo Kristy mihitsy no hiaiky ny finoanao:
« Ary nony nahare izany Jesosy, dia gaga ka niteny tamin'izay nanaraka Azy hoe: Lazaiko aminareo marina tokoa fa tsy mbola nahita finoana lehibe toy izany Aho na dia tamin'ny Isiraely aza. » (Matio 8:10)

Aza miahotra ary manonona isa-maraina fa efa an’i Kristy ny tanànanao dia ho ringana ny toetra ratsy ao:
« Haringako isa-maraina ny ratsy fanahy rehetra amin'ny tany, Mba hofongorako ny mpanao ratsy rehetra tsy ho ao an-tanànan'i Jehovah. » (Salamo 101:8)

Tsy misy afaka manakana izany asa fandringanana izany:
« Fa Jehovah, Tompon'ny maro, no efa nikasa, ka iza indray no hahafoana izany? Ary ny tànany dia voahinjitra, ka iza no hampihemotra izany? » (Isaia 14:27)

Angataho mba hataon’i Tompo haingana dia haingana izany asa fanadiovana ny tanànany izany:
« Tompo ô, mandrenesa, Tompo ô, mamelà heloka; Tompo ô, mihainoa, ka miasà; aza ela Hianao, ry Andriamanitro ô noho ny aminao; fa ny tanànanao sy ny olonao dia nantsoina amin'ny anaranao. » (Daniela 9:19)

Tsy azo ajanona koa anefa ny asa fitoriana mba hahatonga ny rehetra ho voavonjy:
« Lazao aminy hoe: Raha velona koa Aho, hoy Jehovah Tompo, dia tsy sitrako ny hahafatesan'ny ratsy fanahy, fa ny hialan'ny ratsy fanahy amin'ny lalany, mba ho velona izy. Mialà, mialà amin'ny lalan-dratsinareo, fa nahoana moa no te-ho faty ianareo, ry taranak'Isiraely? » (Ezekiela 33:11)

Satria nikatsaka izay hiadanan’ny tanàna ianao dia hitondra fiadanana ho anao koa izany :
« Ary katsaho izay hiadanan'ny tanàna izay nampandehanako anareo ho babo, ary mivavaha amin'i Jehovah ho azy; fa raha miadana izy, dia mba hiadana koa ianareo. » (Jeremia 29:7)

Minoa fa efa manomboka manorina tany vaovao ho anao Andriamanitra izao dia izao:
« Fa, indro, Izaho mahary lanitra vaovao sy tany vaovao, ka dia tsy hotsarovana intsony ny taloha, na ho mby ao an-tsaina akory aza. » (Isaia 65:17)

Ary Minoa fa hahita ny fahavitan’izany ianao:
« Ary hahita izany ianao ka ho miramirana, dia hiemponempona sady hohalehibiazina ny fonao;... » (Isaia 60:5a)

Hitohy,…

EFA AN'I KRISTY I MADAGASIKARA

Fahefan'i Kristy eto amin'ny Firenentsika:
« Ary nomena fanapahana sy voninahitra ary fanjakana Izy, mba hanompoan'ny fokom-pirenena sy ny firenena ary ny samy hafa fiteny rehetra Azy; ny fanapahany dia fanapahana mandrakizay ka tsy ho tapaka, ary ny fanjakany tsy ho rava. » (Daniela 7:14)
Ny Hevitry ny loko eo amin'ny Saina:
FOTSY:FAHAZAVANAN'ANDRIAMANITRA
« Mitsangàna, mihazavà, fa tonga ny fahazavanao, ary ny voninahitr'i Jehovah efa miposaka aminao. »(Isaia 60:1)
MENA: RA FAMPIAHAVANAN'I KRISTY
« sady Izy no hampihavanany ny zavatra rehetra aminy, ka dia ny ràny teo amin'ny hazo fijaliana no nanaovany fampihavanana - eny, Izy, hoy izaho, no fampihavanana izany, na ny ety ambonin'ny tany, na ny any an-danitra. » (Kolosiana 1:20)
MAINTSO: SAHA EDENA HO ALAIN'IZAO TONTOLO IZAO TAHAKA
« Fa holazainy hoe: Ity tany efa lao ity dia tonga tahaka ny saha Edena; ary ny tanàna efa foana sy lao dia misy mponina sady asiana manda; » (Ezekiela 36:35)
Ambany ny maintso ho mariky ny manda izay avy amin'Andriamanitra ny ilany ary ny ràn'i Kristy Mpamonjy eo ambony.
TSY MAITSY VITAN'I TOMPO IREO FANAMBY IREO E!
EFA MANOMBOKA MANANGANA IZANY IZY!!!
TSY HINJANONA HIVAVAKA ISIKA RAHA TSY TANTERAKA IREO

FANALAVANA NY TENY HOE: "MADAGASIKARA"

M- Malaza
« ... fa efa nanao famantarana malaza tokoa izy, ary fantatry ny mponina rehetra eto Jerosalema izany, ka tsy azontsika lavina. » (Asan'ny Apostoly 4:16)
A-Avotra
« Izao no lazain'i Jehovah, Mpanavotra anao, dia ny Iray Masin'ny Isiraely: Izaho, Jehovah Andriamanitrao, no nampianatra anao hahita soa sady mitarika anao amin'ny lalana tokony halehanao. » (Isaia 48:17)
D-Dera
« Hianareo izay midina any amin'ny ranomasina sy ny ao aminy rehetra, dia ianareo nosy sy ny mponina ao aminy, samia mihira fihiram-baovao ho an'i Jehovah, dia ny fiderana Azy hatramin'ny faran'ny tany. » (Isaia 42:10)
A-Aim-panahy
« Fa tsy nomen'Andriamanitra fanahy osa isika, fa fanahy mahery sy fitiavana ary fahononan-tena. » (2 Timoty 1:7)
G-Goavana
« Modia ihany any an-tranonao, ka ambarao ny zavatra lehibe nataon'Andriamanitra taminao. Dia nandeha izy ka nitory eran'ny tanàna izay zavatra lehibe nataon'i Jesosy taminy. » (Lioka 8:39)
A-Alaina tahaka
« Fa holazainy hoe: Ity tany efa lao ity dia tonga tahaka ny saha Edena...» (Ezekiela 36:35a)
S-Sambatra
« Ary ianareo hataon'ny firenena rehetra hoe sambatra; fa ho tany mahafinaritra ianareo, hoy Jehovah, Tompon'ny maro. » (Malakia 3:12)
I-Ivon’ny fampandrosoana
« Ary ny firenena manatona ny fahazavanao, ary ny mpanjaka mankeo amin'ny famirapiratan'ny fiposahanao. » (Isaia 60:3)
K-Kolokoloina
« Mivahinia eto amin'ity tany ity ianao, dia homba anao sy hitahy anao Aho; fa ianao sy ny taranakao no homeko ireto tany rehetra ireto, ka hotoviko ny fianianana izay nataoko tamin'i Abrahama rainao; » (Genesisy 26:3)
A-Arovana
« Ary, indro, Izaho momba anao ka hiaro anao amin'izay lalan-kalehanao rehetra ary hampody anao indray ho amin'ity tany ity; fa tsy handao anao Aho mandra-panaoko izay voalazako taminao. » (Genesisy 28:15)
R-Ravak’izao tontolo izao
« Hahatonga volamena Aho ho solom-barahina, ary hahatonga volafotsy ho solom-by, ary varahina ho solon-kazo, ary vy ho solom-bato; ny fiadanana no hataoko fanapahana anao, ary ny fahamarinana no ho mpampiasa anao.» (Isaia 60:17)
A-Ataon’i Kristy ho lohany
« Dia hataon'i Jehovah ho lohany ianao, fa tsy ho rambony;... » (Deotoronomia 28:13a)